పండు గాడు పొట్టలో వున్నప్పుడు నా ఒంట్లో ఐరన్ లెవెల్స్ బాగా తగ్గాయి (8 - 9 కి అలా వచ్చేసాయి). అప్పుడు మా డాక్టర్ నాకు బాగా క్లాసు పీకింది. అప్పటి నుండి వారం లో కనీసం మూడు రోజులు ఆకు కూరలు తినడం మొదలుపెట్టాను. ఒకప్పుడు పాల కూర, తోట కూర తప్ప వేరేవి ఏవీ వండగలిగే దాన్ని కాదు, పేర్లు కూడా తెలిసేవి కావు..ఇప్పుడయితే పాల కూర, తోట కూర తో పాటు గోంగూర (ఎర్ర గోంగూర, తెల్ల గోంగూర), చుక్క కూర, చిర్రి కూర, మెంతి కూర, పొన్నగంటి ఆకు, మొలగాకు, మునగాకు, అవిశాకు అబ్బో ఎన్నెన్ని తెల్సో నాకు :) మా అయన 'ఇలా ఆకులు తినీ తినీ మేకవయిపోతావు' అని ఎంత వెక్కిరించినా పట్టించుకోట్లేదు సరి కదా తనకీ, పండు గాడికి కూడా తప్పనిసరిగా తినిపిస్తున్నా. ఒంట్లో ఐరన్ శాతం బాగుంటే చాలా జబ్బులు రాకుండా వుంటాయిట.
No comments:
Post a Comment