ఈ బ్లాగ్ లో పోస్ట్ చేయడానికి ఫోటోల కోసం నేను చెట్లు, పుట్టలు, మనుషులు,
వస్తువులు, నింగీ, నేలా, నీరు, నిప్పూ వీటితో పాటు జంతువుల వెంట కూడా
పడుతున్నాను. కోళ్ళు, కుక్కలు, పిట్టలు లాంటివే కాదు నేను అస్సలు ఇష్టపడని
reptiles వెంట కూడా పడుతున్నా :(
మొన్న మొన్నటి దాకా వేసవి ఎండలకి తలలు వాల్చేసి నీరసించిపోయిన ఈ కనకాంబరం
చెట్లు ఇప్పుడు కురుస్తున్న తొలకరి వానలకి కొత్త ఉత్సాహంతో తెగ సంతోషం గా
పూలు పూసేస్తున్నాయి. వాసన వుండవు అన్న మాటే కానీ వీటిని మరువంతో కలిపి మాల
కట్టుకుని పెట్టుకుంటే ఎంతో బాగుంటుంది.
హమ్మయ్య, ఇంతటి తో నా తెలుగు అక్షరమాల (అ - ఱ) థీమ్ పూర్తయ్యిందోచ్! ఈ థీమ్ లో చాలా రోజులు archived ఫొటోస్ పెట్టాను (ఫోటోలు తీయడానికి సబ్జక్ట్స్ దొరక్క, నాకు తీరిక లేక కూడా)...