Day 39 - 080212 - ఇసుకలో ఆటలు

మా ఇంటి పక్కన ఒక కొత్త ఇల్లు కడుతున్నారు..వాళ్ళో బండెడు ఇసుక తెచ్చి పడేసారు. ఇక నా పుత్రరత్నం సాయంత్రం నిద్ర లేవగానే పాలు తాగేసి వాడి బుల్లి బుల్లి బొమ్మ vehicles అన్నీ ఒక సంచిలో వేసుకుని వీధిలో కనిపించిన పిల్లలందరినీ 'అన్నా/పాపా రా, పోక్కలైనేరు ఇష్క తోవ్వేద్దాం' అని పిల్చి ఇసుకలో కూలేసి ఒకటే ఆటలు. ఆరు గంటలకి సదరు పిల్లల తల్లులు వచ్చి వాళ్ళని ట్యూషన్స్ కి తరిమితే అప్పుడు వీడు ఒంటి నిండా, తల నిండా ఇసుక పోసుకుని ఇంటికి బయల్దేరతాడు (అదీ నేను దోమలోస్తాయ్ , పాములోస్తాయ్ అని భయపెడితే అయిష్టంగా కదుల్తాడు). వాడినీ, ఇసుక తో నిండిన బొమ్మలనీ ప్రక్షాళనం గావించేసరికి నా తల ప్రాణం తోకకి వస్తోంది :((